काठमाडौं । नेकपा एमाले का वरिष्ठ नेता झलनाथ खनालले कम्युनिष्ट आन्दोलन बचाउन नयाँ पुस्ता अगाडि सर्नुपर्ने बताएका छन् । केन्द्रीय सदस्यहरुको भर्चुअल बैठकमा नेता खनालले ७० वर्ष पुगेको पुस्ता लाई बिदा गर्न आग्रह गरे । ‘हामी ७० वर्ष हाराहारी पुग्यौं । अब
हामीलाई छोडेर भएपनि युवाहरु अगाडि बढ्नुपर्छ,’ नेता खनालले भने । भर्चुअल बैठकमा सहभागी एक नेताका अनुसार आफ्नो पुस्तालाई बिदा गर्न युवाहरुसँग आग्रह गरेका थिए । केही काम दिनुहुन्छ भने तयार छौं । तर कम्युनिष्ट आन्दोलन बचाउन युवाहरु बढ्नुपर्छ,’ खनालको भनाइ थियो । एमाले धार निर्माणका संस्थापक नेता खनालले पटकपटक गरी एक दशक बढी पार्टीको नेतृत्व गरेका छन् ।
२०३९ सालमा खनाल नेकपा मालेका महासचिव बनेका थिए । फेरि २०६४ पछि खनाल एमालेको अध्यक्ष बनेका थिए । खनालपछि २०७१ बाट केपी शर्मा ओली एमालेका अध्यक्ष निर्वाचित भएका हुन् ।
तर अब आफ्नो पुस्ताको नेताहरु नेतृत्वबाट अलग हुनुपर्ने खनालले प्रस्ताव गरेका छन् । उनले ओलीबाट भने कम्युनिष्ट आन्दोलन नबच्ने पनि बताए । ‘केपी ओपी कम्युनिष्ट नै होइनन् । उनीबाट आन्दोलन जोगिंदैन,’ खनालले भने ।
एजेण्डामा पार्टी नचलाइएकाले दक्षिणपन्थी प्रवृत्ति हाबी भएर गएको खनालले बताए । ‘पार्टी एजेण्डामा बाँच्नुपथ्र्यो । तर दक्षिणपन्थतिर गयो । त्यसका विरुद्ध संघर्ष गर्नुपर्छ,’ उनले भने ।
