काठमाडौं प्रमुख प्रतिपक्षी दल नेकपा एमालेका अध्यक्ष केपी शर्मा ओलीले उपाध्यक्ष भीम रावलको पछि नदौडिने बताएका छन् । मंगलबार बिहान विराटनगरको होटेल
ह्यारिसन मा सञ्चारकर्मी सँग को कुराकानीमा १० बुँदे सहमति कार्यान्वयन दलको संयोजक बाट राजीनामा दिने रावलको पछि नदौडिने बताएका छन् । सञ्चारकर्मीले रावलको गृह जिल्ला
सुदूरपश्चिममा वडा अधिवेशन सवालमा प्रश्न गरेका थिए । जवाफमा ओलीले सुदूरपश्चिममा वडा अधिवेशन सम्पन्न भइनसकेको जवाफ दिएका थिए ।रावलकै सन्दर्भमा कुरा गर्नेक्रममा ओलीले भने, ‘एमाले कुन व्यक्तिले के भन्यो भन्नेको पछि दौडिँदैन । विवाद छ भने सोधपुछ गरेर समाधान गर्ने काम गरिन्छ ।’माओवादी छाडेर एमालेमा आएका प्रभु शाहको विषयमा पनि पत्रकारले अध्यक्ष ओलीलाई प्रश्न गरेका थिए । जवाफमा ओलीले लोकतन्त्रमा नयाँ दल दर्ता गर्ने अधिकार रहेको बताए ।सञ्चारकर्मीले प्रधानन्यायाधीशको राजीनामा बारे प्रश्न गर्दा एमाले न्यायायलको कामकारवाहीमा केही नबोल्न अध्यक्ष ओलीले जवाफ दिए ।ओलीले एमाले सर्वोच्चको झगडामा नफस्ने र अदालत स्वतन्त्र निकाय रहेको भन्दै प्रधानन्यायधीशलाई राजीनामा दिनुपर्छ र महाभियोग लगाउनुपर्छ भन्ने पक्षमा नरहेको धारणा राखे ।
एमाले बाहेकका पार्टी तत्कालीन स्वार्थको भूमरीमा रुमल्लिए
नेकपा एमालेका अध्यक्ष केपी शर्मा ओलीले एमाले बाहेकका पार्टीहरु तत्कालीन स्वार्थको भुमरीममा रुमल्लिएको आरोप लगाउनुभएको छ ।आज पालिका अधिवेशन एकैसाथ उद्घाटन गर्दै उहाँले सो बताउनुभएको हो । पार्टी कार्यालबाट भर्चुअल रुपमा ७५३ वटै पालिकाको अधिवेशन उद्घाटन गर्दै ओलीले एमाले सफल भए मात्रै देश सफल हुने जिकिर गर्नुभयो ।एमालेले राष्ट्र निर्माणकाे गहन जिम्मेवारी बोकेको बताउदै उहाँले कुनै पार्टीले यसतर्फ राष्ट्र निर्माणको विषयमा नसोचेको आरोप समेत लगाउनुभयो ।ओलीले अधिवेशनबाट निर्वाचित हुने सबै पदाधिकारी र पालिका र इलाका स्तरका सबै सदस्यहरुलाई अग्रिम रुपमा बधाई र शुभकामना समेत दिनुभयो ।
हुलाकी सडकले दक्षिणी भेगको मुहार फेरिन्छ
नेकपा (एमाले)का अध्यक्ष तथा पूर्वप्रधानमन्त्री केपी शर्मा ओलीले पूर्वपश्चिम हुलाकी सडक सञ्चालनमा आएपछि दक्षिणी भेगको मुहार फेरिने बताउनुभएको छ । सोमबार आफ्नो निर्वाचन क्षेत्र नं ५ गौरीगञ्ज गाउँपालिकास्थित बुधबारे बजारमा पार्टीले आयोजना गरेको शुभदीपावली, छठ तथा नेपाल संबत्को शुभकामना आदानप्रदान कार्यक्रममा सम्बोधन गर्नुहुदै उहाँले हुलाकी सडकले पूर्णता पाए मात्र दक्षिणी भेगको विकास हुने र त्यसमा आफूले सक्दो सहयोग पु¥याउने जोड बताउनुभयो ।
हुलाकी सडकको काम आफू नेतृत्वको सरकारले सुरुआत गरेको प्रसङ्ग कोट्याउँदै ओलीले भन्नुभयो, “हुलाकी सडक आफैँ बनाउँछु भनेर काम थालेको धेरै प्रतिशत काम सकिसकेको रहेछ । पूर्णरूपमा निर्माण भइसकेपछि हुलाकी सडक सम्झँदा मलाई सम्झिनु हुन्छ ।”हुलाकी सडकमा पर्ने सीमावर्ती गौरीगञ्ज बजारलाई आफू प्रधानमन्त्री भएका बेलामा स्मार्टसिटीको रूपमा विकास गर्ने भनेर काम सुरु गरेको बताउँदै उहाँले अब देशभरिका स्मार्टसिटीका रूपमा गौरीगञ्जले छिट्टै फड्को मार्ने बताउनुभयो । उहाँले भन्नुभयो, “गौरीगञ्ज सहर पहिलाको जस्तो होइन, आधुनिक गौरीगञ्जका रूपमा विकासित हुनेछ ।”
देशलाई स्थायी समृद्धिको यात्रामा लैजान आफ्नो सरकारका पालामा प्रशस्त काम भएको चर्चा गर्नुहुँदै उहाँले भन्नुभयो, “फुसको छाना हटाएर जनता आवास कार्यक्रम, सामाजिक सुरक्षा भत्ता, प्रमाणपत्र राखेर ऋण दिने, रु एक लाखसम्मको स्वास्थ्य बिमा कार्यक्रम, महिला सशक्तीकरणको सवालमा उल्लेखनीय काम भएका छन् ।”
सोही कार्यक्रममा गौरीगञ्ज गाउँपालिकाका अध्यक्ष बाबुराजा श्रेष्ठले गाउँपालिकाको समग्र विकासका लागि ध्यानाकर्षणपत्र बुझाउनुभएको थियो । यसैगरी पूर्वप्रम ओलीले गौरीगञ्जस्थित रतुवाखोलामा निर्माण भएको पुलको समेत निरीक्षण गर्नुभएको थियो । एक दशकअघि पुल निर्माण भए पनि पुल अझै पूर्णरूपमा सञ्चालनमा आउन सकेको छैन । पुल नियमितरूपमा सञ्चालन हुन नसक्दा दक्षिणी भेगका बासिन्दा पूर्वी मोरङसम्म आवतजावत गर्न सास्ती खेप्दै आएका छन् ।
