बराहक्षेत्र । किरात राईहरुले प्रमुख चाडको रुपमा मान्ने साकेला पर्व बराहक्षेत्रमा पनि धुमधामका साथ मनाइएको छ । किरातिहरुको बाहुल्यता रहेका स्थानमा विशेष महत्वका साथ यो पर्व धुमधामका साथ मनाइदै आइएको छ ।
एक महिना सम्म मनाइने साकेला पर्व बालि लगाउने समयमा वर्षा प्रशस्त होस्, दैवीप्रकोप नपरोस्, रोगव्याधि नलागोस्, सुखशान्ति छाओस भनेर प्रकृतिको पुजा गरि मनाइन्छ । त्यस्तै आफ्ना पितृप्रति श्रद्धाञ्जलि व्यक्त गर्न एवम् उनीहरुको सामाजिक क्षेत्रमा योगदानप्रतिको सम्मान र सम्झना गरिन्छ ।
साकेला पर्वमा ढोलझ्याम्टा बजाएर सृष्टिका गित गाउँदै नाच्ने परम्परा छ । किराती बुढापाकाकाअनुसार किरात राईहरुको सृष्टिकर्ता पारुहाङ् र सुम्निमालाई खुसी एवम् प्रसन्न बनाउन सर्वप्रथम साकेला नाच नाचिएको थियो ।
साकेला पर्व अन्नबालि छर्ने बेलामा अथात् वैशाख पूर्णिमा र उठाउने बेला मङ्सिर पूर्णिमाको अवसर पारेर वर्षमा दुईपटक मनाउने गरिन्छ । साकेला चाड किरातिहरुको घनाबस्ती रहेको पुर्वको धनकुटा , धरान ,तरहरा , मोरङको पथरी , लेटाङ, झापा , इलाम , पाँचथर , ताप्लेजुङ , सोलुखुम्बु , आखलढुंगा र भोजपुर लगाएतका स्थानमा विशेष महत्वका साथ मनाइन्छ । साकेला पर्वमा किरात राई , लिम्बु , याक्खा र सुनुवार समुदायले मुख्य पर्व मान्ने गरेका छन् ।
Discussion about this post